أخبار حلوة...نحف: تعرفوا على الشاب أحمد أيوب وتطوير شركة "كيديو" وتطبيقاتها الرّائعة...نفتخر بك

كمان أخبار حلوة...
هاي الشباب النحفوية...نفتخر بأمثالك
رح نعرّفكم اليوم على أحمد_أيوب، ونحكيلكم عن يوم شغل "عادي" عنده...بس الأكيد، مش عادي عند أي حدا
أحمد أيّوب من نحف، درس علم حاسوب في معهد التّخنيون، واشتغل سابقًا في شركة أنتل 15 عام، لحد ما هو وأصدقاؤه قرروا يكرسوا كل وقتهم في تطوير شركة "كيديو" وتطبيقاتها الرّائعة
يوم أحمد بالشّغل ببلّش بفنجان قهوة، وبعدها صعب ترصد مكانه، لأنه بكون يتنقّل، مرّة بكون في اجتماع، ومرّة بكون يساعد حدا من الموظّفين اللي بواجهوا صعوبة معيّنة، ومرّات ثانية بكون يخطّط مع المبرمجين، ويتابع سيرورة عملهم ويساعدهم ومرّة ممكن تلاقيه بعلّم الموظّفين من مختلف الأقسام على مهارات جديدة، وبحفزهم يتطوروا ويتعمقوا ويتابعوا أي تجديدات في مجالهم
يعني مكتب أحمد بظل فاضي، لحد ما أحمد يطمئن إنّه كل شيء ماشي بسلاسة في الشّركة، ووقتها ممكن يقعد في مكتبه، ويبلّش يوم عمله "العادي" في البرمجة
ووسط كل أعمال أحمد وانشغالاته، في صديق واحد بلازمه 24 ساعة، هالصدّيق هو المُعقّم مستحيل يتحرك بدونه، ومستحيل يبلّش بأي مهمة بدون ما يعقّم
كونه أحمد واحد من مؤسسين شركة وعائلة كيديو، سألناه شو أكثر شيء بحبّه في "كيديو"؟
وجوابه كان:
إنّه كيديو رائعة بالنّسبة إله، لأنّه من خلالها قدرنا نشتغل على "منتجنا" الخاص، المستمد من أفكارنا، عن طريق المزج بين الإبداع والتّكنولوجيا.
بالإضافة إنّه إحنا مش مجرّد شركة بتطوّر تطبيقات ألعاب للأطفال، إحنا منحط قِيَم أساسيّة وإنسانيّة عُليا ومنشتغل حسبها
نيابة عن كل عائلة كيديو وعن كل أطفال العالم، إحنا منشكر أحمد، وإحنا ممتنين كونه فرد منّا
لمتابعة الصفحة الدخول للرابط التالي:
https://www.facebook.com/kideo.tech/