X إغلاق
X إغلاق

منال موسى: "يكفينا حقدًا وأنا لم أخدم بصفوف الجيش الإسرائيلي"

05-11-2014 - 17:53 / حصاد.نت/ وكالات

بعد أن وصلت إلى مراحل متقدمة في أكبر برنامج فني موسيقي وغنائي بالعالم العربي، بدأت الفنانة منال موسى، ابنة دير الأسد، تتعرض لاتهامات لاذعة من قبل منتقدين عبر مواقع التواصل الاجتماعي، منها أنها قامت بأداء الخدمة المدنيّة قبيل مشاركتها في البرنامج، وقد قامت منال أمس بتوضيح موقفها عبر صفحتها الخاصة للتصدي لما يتناقله النشطاء، نافية إيّاه، بكتابتها "ستاتوس" قالت خلاله:
"مسا الخير وأرجو النشر ..السرطان مش مرض والطاعون مش مرض المرض موجود داخل بعض العقول ..وأعتذر إني بقول هالكلام بس صار لازم أحكي وطبعًا الكلام موجه لفئة معينة من الناس وليس للجميع...المرض في عقول البعض في لقلوب السوداء!، لشو كل هالحقد؟؟ صرلي 3 سنين أعمل فيديوهات تراث فلسطيني مجانًا بلا ولا قرش ..عروض تراث فلسطيني مجانًا ولا قرش..حملات إغاثة وتبرعات وأعمال خيرية وهذا ليس معروف هذا واجبي كفلسطينية بس السؤال وين كانت الآراء والصحافه لما عملت كل هاذ؟".

وتابعت منال:" بتحكو عصورة أنا وهيثم وعضو الكنيست؟؟؟ وين كانو الناس لما اتوقفنا بسجن "كيشون" وضلينا من تحقيق لتحقيق عالشارع مين وقف معنا؟ كل هاذ عشان بدنا نوصل حلمنا نمثل بلدنا...بحقلناش؟؟ مثلنا مثل غيرنا؟ لك بتنزلو مقالات إني خدمت بالجيش،؟؟؟ يا عيب الشووم!! بتنزلو أنو ابوي عسكري بالجيش....ولكو أبوي زلمه عقد حالو عمرو 55 سنه...إنهد حيلو وهو يشتغل ويتعب عشان يعلم بناته أبوي اللي مبكيش عموت أمه لانو دمعتو غاليه...بحياتي ماشفت دمعه ابوي إلا بحرب غزه! بحياتها إمي ما سمعت صوت بكاها وسهرها للصبح إلا عقناه الاقصى وبحرب غزه!".

وأضافت ابنة دير الأسد:"أنا اللي غنيت أبكي وأصيح وبكيت من قلبي لأني شفت قدامي حي الشجاعية....غنيت للوطن حكو إني استغليت القضية غنيت طرب حكيتو إني ناسيه القضيه ...طول عمري أغني تراث ليش محدا كتب عني؟!، إن الله على ما أقوله شهيد...وحسبي الله ونعم الوكيل ...وبالنسبه للي عم بدعموني الله يقدرني أوقف حدكو بنجاحكو آسفة عالإطالة وأرجو النشر."

أضف تعليق

التعليقات