X إغلاق
X إغلاق

منال موسى ردا على التصريحات 'يا عيب الشوم.. لن اخدم انا ووالدي بالجيش'

05-11-2014 - 11:39 / حصاد نت / وكالات

بدأت الفنانة الفلسطينية ابنة دير الاسد ،  منال موسى تتعرض لاتهامات لاذعة من قبل منتقدين عبر موقع التواصل الاجتماعي ، بعد ان وصلت الى مراحل متقدمة باكبر برنامج فني موسيقي وغنائي بالعالم العربي بأسره ، فلم تجد الفنانة الا ان تتحرك وتتصدى لكل من يهاجمها عبر الحساب الخاص بها بموقع التواصل الاجتماعي، وذلك عبر اتهامها بامور كثيرة استنكرتها ورفضتها بشدة وذلك من توجيه التهم لها منذ بداية البرنامج من صورتها هي وهيثم خلاليلة مع عضو البرلمان الاسرائيلي ايوب القرا وغيرها من الاشاعات الخالية عن الصحة، كما قالت منال عبر صفحتها.

وقد صرحت منال انها تقوم ومنذ سنوات متواصلة بدمج التراث الفلسطيني بمعظم اغانيها بل وتغني لفلسطين وحتى انها تقوم بعرض فيديوهات تحمل القضية الفلسطينية وتراثها بشكل مجاني، بل وتنطم عروضاً مجانية من اجل احياء تراث فلسطين، وتساءلت عن نشر صورتها التي جمعتها مع المتسابق المجدلاوي هيثم خلايلة الذي هو الاخر يحقق انجازات عبر برنامج اراب ايدول، وهم برفقة عضو حزب الليكود ايوب القرا.

وقد ذكرت منال على صفحتها على الفيس بوك :"يا عيب الشووم!! بتنزلو انو ابوي عسكري بالجيش....ولكو ابوي زلمة عقد حالو عمرو 55 سنة...إنهد حيلو وهو يشتغل ويتعب عشان يعلم بناتو، ابوي اللي مبكيش عموت أمو لانو دمعتو غالية...بحياتي ماشفت دمعة ابوي إلا بحرب غزة !!!! " .

بحياتها امي ما سمعت صوت بكاها وسهرها للصبح الا عقناة الاقصى وبحرب غزة !!!!!، انا اللي غنيت ابكي وأصيح وبكيت من قلبي لاني شفت قدامي حي الشجاعية....غنيت للوطن حكوا استغليت القضية غنيت طرب حكيتوا اني ناسية القضية ...طول عمري أغني تراث ليش محدا كتب عني؟؟؟!!!!" .

وهذا هو التصريح كما جاء على صفحتها :

"مسا الخير وارجو النشر ..السرطان مش مرض والطاعون مش مرض المرض موجود داخل بعض العقول ..واعتذر اني بقول هالكلام بس صار لازم احكي وطبعا الكلام موجه لفئة معينه من الناس وليس للجميع...المرض في عقول البعض في لقلوب السوداء!!!لشو كل هالحقد؟؟ صرلي 3 سنين اعمل فيديوهات تراث فلسطيني مجانا بلا ولا قرش ..عروض تراث فلسطيني مجانا ولا قرش..حملات إغاثة وتبرعات وأعمال خيريه وهذا ليس معروف هذا واجبي كفلسطينييه بس السؤال وين كانت الآراء والصحافه لما عملت كل هاذ؟؟؟؟بتحكو عصوره انا وهيثم وعضو الكنيست؟؟؟ وين كانو الناس لما اتوقفنا بسجن كيشون وضلينا من تحقيق لتحقيق عالشارع مين وقف معنا??!!! كل هاذ عشان بدنا نوصل حلمنا نمثل بلدنا...بحقلناش؟؟ مثلنا مثل غيرنا،؟؟؟لك بتنزلو مقالات اني خدمت بالجيش،؟؟؟ يا عيب الشووم!! بتنزلو انو ابوي عسكري بالجيش....ولكو ابوي زلمه عقد حالو عمرو 55 سنه...إنهد حيلو وهو يشتغل ويتعب عشان يعلم بناتوو ابوي اللي مبكيش عموت أمو لانو دمعتو غاليه...بحياتي ماشفت دمعه ابوي إلا بحرب غزه !!!! بحياتها امي ما سمعت صوت بكاها وسهرها للصبح الا عقناه الاقصى وبحرب غزه!!!!!انا اللي غنيت ابكي وأصيح وبكيت من قلبي لاني شفت قدامي حي الشجاااااعيه....غنيت للوطن حكو ستغليت القضيه غنيت طرب حكيتو اني ناسيه القضيه ...طول عمري أغني تراث ليش محدا كتب عني؟؟؟!!!!إن الله على ما أقوله شهيد...وحسبي الله ونعم الوكيل ...وبالنسبه للي عم بدعموني الله يقدرني أوقف حدكو بنجاحكو أسفه عالاطاله وارجو النشر"

أضف تعليق

التعليقات