X إغلاق
X إغلاق

Please install Flashֲ® and turn on Javascript.

"حالنا بفقدان احمد ومحمد"، سلام عباس- حلبي

25-06-2016 - 16:59 / وكالات

بقلب منفطر وبكل أسى أعزي زميلي الأستاذ قاسم أسدي وأختي العزيزة ولاء أيوب.
لروح ابناءكم الطاهرة ارسل تعزياتي  .. وأملي  بإذن رب العالمين لن تضيع طفولتكم التي فقدتموها  هدرًا ولن يقف حزننا على موتكم بكاءًا فقط.. أسأل الله عز وجل الصبر  والسلوان وخير القضاء لأهلكم وذويكم ...
احمد ومحمد لروحكم الطاهرة سنشتاق ولأهلكم نسأل الله السلام والسكينه...

"حالنا بفقدان احمد ومحمد، سلام عباس- حلبي"

يا حال مين بستوعب تقلُبِك يا حال
والله تغيرِت علينا
وإحنا ولا في البال
اليوم بيكون صاحبك
بُكرة بيقلب عدوك
اليوم بيصحى جنبك
بكرا بيمسي ضدك
اسا حدك عايش
بُكرة لقبرك نابش
خاف وإعتبر يا إنسان
خاف وإتقي ربك من عثرات الزمان
يا أُمة إقرأ لوينتا الجهل منتعَمَّد نعْبُد.
يا أُمة الحضارة والفتح
ليش قبلتوا بحالكم يصبح ويمسي مَسِخ ..
قبلهم لارا إنتقلت لرحمته ونسيتوا
طلبَتْ أحمد ومحمد تيبحثوا سوا ويسألوا شو سويتوا؟
نادَتهم يجتمعوا ويلاقوا حَل لهالقضية
بسرعه لبّوا الندا احمد ومحمد وقدموا حالهم فدية
بلكي بكمان ثنين قربان ضحيه
بشفعوا لخطايانا ومنبلش خطوات عمليه
لنهج حياة منطقيه وواقعيه بس بالعقل والمفهمومية
الاطفال ضحّت وتظاهرت ضدنا وعن أنفسنا قدمت قربان
لتكفّر عن خطاينا  كمان !
بلكي بكمان  صفعه قررتوا
وتتذكروا انكم أصلا ما بأنفسكم ما غيّرتوا
بلكي هاي المرة الوجع بمشاعر متوهجة يدفعكوا
لتعلوا بهالارض وتتعمروا
إنتِ... ايوة نعم إنتِ
لوينتا بدك تضل بشعب هزيل
قشه عن ظهر نعجة مانك قادر تزيل
وقت الصدمة بتبكي
وبعدها تمسح دمعك وتنسى ولا كأنك بتشكي .
ليه ما بتاخد من العبرة موقف ؟
وبتحمل هالراس على مصعد الجد ...
او اذا ما في مصعد خليك محلك بس
عالأقل راسك من الصدى  نظِّف.
ليه ما منبدى بالتغيير
نرثي، نبكي ونحكي  لا ... ما عاد إله بالأصل تأثير
بكفي أحزان
بكفي بكى عالأطلال ...
بكفي نشبع وننهش من لحم بعض
بكفي نضلنا نتجاهل مبادئنا وهي عم تنقرضْ
احنا شعب راح نضل بنفسنا نستهتر
ننضرب بأكبادنا .بأولادنا . بكرامتنا..  بحضارتنا
وأنيابنا عبعض بس منكشر
مستقبل حضارتنا اللي من زمان بِعناها
عم بتطالب نرجع نشتريها وبالدم نِفداها
ليه نخلي للفسادين والملاقين فينا مطرح
ليه ما ناخدهم ونعلِّمهم
حب الناس للحياة ولبعضها مَربَح
مَربح لنفسك ولجنتك بمقام ربك أَفلح
مربح لديّانك ودُنياك ودينك
وبمين بعدك بتستنى الله يعينك ...
وقفتوا حد قاسم وولاء وبكيتوا
لا والله عملتولهن خير ووفيتوا
الحجر لو حدهم حطيتوا
كان بكي وتفلق عخَلِق أكثر منه قسيتوا
هالاخوين تقدموا ليرضوا ربنا ويضّحوا
بدمهم من اثم كل الانسانيه إقتَرْفَتوا
قوم إعمل وقِّف وجابِهْ ، وبنعمة ربنا لعقلك ولا تِْبخَلْ
ولا عمرك غير للحق راسك تنزِّل ومن الناس ولا تِخْجلْ
وَكِّل ربك وبالفطنه والحنكه تْعَقَّلْ
فِكرك سلاحك ومن دون هيك قاع القاع ما عاد يتحملْ

رحمة الله تتغمدكم يا أحمد ومحمد أبناء قاسم وولاء الأسدي
وإلى جنات الخلد وبحضن الواحد الأحد

اختكم سلام عباس-حلبي

أضف تعليق

التعليقات